శ్రీపరాశరభట్టరువారు ప్రసాదించిన అష్టశ్లోకి
(మూడు మంత్రముల సారము)
శ్రీ పరాశరభట్టార్యః శ్రీరంగేశ పురోహితః |
శ్రీవత్సాంకసుతః శ్రీమాన్ శ్రేయసే మేస్తు భూయసే ||
అకారార్థీ విష్ణుః జగదుదయ రక్షాప్రలయకృత్
మకారార్థ జీవః తదుపకరణం వైష్ణవ మిదమ్!
ఉకారో నన్యార్హం నియమయతి సమ్బన్ధ మనయోః
త్రయీసార స్త్ర్యాత్మా ప్రణవ ఇమ మర్థం సమదిశత్ || ౧ ||
మస్త్రబ్రహ్మణి మధ్యమేన నమసా పుంసస్స్వరూపం గతిః
గమ్యం శిక్షిత మీక్షితేన పురతః పశ్చాదపి స్థానతః|
స్వాతస్త్ర్యం నిజరక్షణం సముచితా వృత్తిశ్చ నాన్యోచితా
తస్యైవేతి హరేః వివిచ్య కథితం స్వస్యాపి నార్హం తతః || ౨ ||
అకారార్థాయైవ స్వమహమథ మహ్యం న, నివహాః,
నరాణాం నిత్యానామయనమితి నారాయణపదమ్ |
యమాహాస్మై కాలం సకలమపి సర్వత్ర సకలాసు
అవస్థా స్వావిస్స్యుః మమ సహజ కైంకర్యవిధయః || ౩ ||
దేహాసక్తాత్మబుద్ధిర్యది భవతి పదం, సాధు విద్యాత్తృతీయం,
స్వాతన్ఫ్ర్యాన్గో యది స్యాత్ ప్రథమ, మితరశేషత్వధీశ్చే ద్వితీయమ్||
ఆత్మత్రాణోన్ముఖ శ్చేత్ నమ ఇతి చ పదం, బాన్ధవాభాసలోలః
శబ్దం నారాయణాఖ్యం, విషయచపలధీశ్చేత్ చతుర్థీం ప్రపన్నః || ౪ ||
నేతృత్వం, నిత్యయోగం, సముచితగుణజాతం, తనుఖ్యాపనఞ్చ,
ఉపాయం, కర్తవ్యభాగం, త్వథమిథునపరం ప్రాప్యమేవం ప్రసిద్ధమ్ |
స్వామిత్వం, ప్రార్థనాం చ, ప్రబలతరవిరోధి ప్రహాణం దశైతాన్
మన్తారం త్రాయతే చేత్యధిగతనిగమః షట్పదో యం ద్విఖణ్డః || ౫ ||
ఈశానాం జగతా మధీశదయితాం నిత్యానపాయాం శ్రియం
సంశ్రిత్యా శ్రయణోచితాఖిల గుణస్య, అంఫ్రీ హరే రాశ్రయే!
ఇష్టోపాయతయా శ్రియా చ సహితాయ ఆత్మేశ్వరాయార్థయే
కర్తుం దాస్యమ శేష మప్రతిహతం నిత్యం త్వహం నిర్మమః || ౬ ||
మత్య్రాప్త్యర్థతయా మయోక్తమఖిలం సన్త్యజ్య ధర్మం పునః,
మామేకం మదవాప్తయే శరణమిత్యార్తో ఽ వసాయం కురు!
త్వామేవం వ్యవసాయయుక్త మఖిలజ్ఞానాది పూర్ణోహ్యహం
మత్య్రాప్తి ప్రతిబన్ధకైః విరహితం కుర్యాం శుచం మా కృథాః || ౭ ||
నిశ్చిత్య త్వదధీనతాం మయి సదా కర్మాద్యుపాయాన్ హరే!
కర్తుం త్యక్తుమపి ప్రపత్తు మనలం సీదామి దుఃఖాకులః|
ఏతత్ జ్ఞాన ము పేయుషో మమ పున స్సర్వాపరాధక్షయం
కర్తాసీతి దృఢ స్మి తే తు చరమం వాక్యం స్మరన్ సారథేః || ౮ ||
శ్రీ పరాశర భట్టార్యః, శ్రీరంగేశ పురోహితః|
శ్రీవత్సాంకసుతః, శ్రీమాన్ శ్రేయసే మేస్తుభూయ సే।
అకారమన్తాకారార్థ దేహ నేతృత్వ మిత్యపి|
ఈశానామథ మత్య్రాప్తి నిశ్చిత్య త్వదధీనతా||