ఆర్తత్రాణ పరాయణాష్టకము
ప్రహ్లాద ప్రభూతాస్తి చేత్ తవ హరేః సర్వత్ర మే దర్శయన్ |
స్తంభే చైవ హిరణ్యకశ్యపుపురస్తత్రావిరాసీద్ధరిః |
వక్షస్తస్య విదారయన్ నిజనఖైర్వాత్సల్యమావేదయన్ |
ఆర్తత్రాణపరాయణస్సభగవాన్ నారాయణో మే గతిః || ౧ ||
శ్రీరామార్త విభీషణోయమనఘో రక్షో భయాదాగతః |
సుగ్రీవానయపాలయైన మధునా పౌలస్త్యమేవాగతమ్ |
ఇత్యుక్త్వా భయమస్యసర్వవిదితో యోరాఘవోదత్తవాన్ |
ఆర్తత్రాణ పరాయణస్సభగవాన్ నారాయణో మే గతిః || ౨ ||
నక్రగ్రస్తపదం సముద్ధృతకరం బ్రహ్మాదిదేవాసురాః |
రక్షంతీత్యనుదీనవాక్యకరుణం దేవేష్వ అశక్తేషు యః |
మాభైషీతి రరక్ష నక్రవదనాత్ చక్రాయుధ శ్శ్రీధరో |
ఆర్తత్రాణ పరాయణస్సభగవాన్ నారాయణో మే గతిః || ౩ ||
హా కృష్ణాచ్యుత హా కృపాజలనిధే హా పాండవానాం సఖే |
క్వాసి క్వాసి సుయోధనాదపహృతాం హా రక్ష మామాతురామ్ |
ఇత్యుక్తో క్షయవస్త్రరక్షితతనుః యో పాలయత్ ద్రౌపదీమ్ |
ఆర్తత్రాణ పరాయణస్సభగవాన్ నారాయణో మే గతిః || ౪ ||
యత్పాదాబ్జనఖోదకం త్రిజగతాం పాపౌఘ సంశోషణం |
యన్నామామృతపూరకం చ తపతాం సంసారసంతాపజమ్ |
పాషాణోపి యదంఘ్రి పద్మరజసా శాపాదిభిర్మోచిత |
స్వార్తత్రాణ పరాయణః సభగవాన్ నారాయణో మే గతిః || ౫ ||
యన్నామస్మరణాద్విషాదసహితో విప్రః పురాజామిళః |
ప్రాగాన్ముక్తిమశోషితాసు నిచయః పాపౌఘదావానలాత్ |
ఏతద్భాగవతోత్తమాన నృపతీ ప్రాప్తాంబరీషార్జునాన్ |
ఆర్తత్రాణ పరాయణస్సభగవాన్ నారాయణో మే గతిః || ౬ ||
నాధీతశ్రుతయో న సత్యమతయో ఘోషస్థితా గోపికాః |
జారిణ్యః కులజాతధర్మవిముఖా అధ్యాత్మభావం యయుః |
భక్త్యా యస్య తథావిధాశ్చ సుగమాస్తస్యా అధియస్సమ్మతా |
ఆర్తత్రాణ పరాయణస్సభగవాన్ నారాయణో మే గతిః || ౭ ||
కావేరీ హృదయాభిరానుపులినే పుణ్యే జగన్మండలే |
చంద్రాంభోజవతీతటీపరిసరే ధాత్రా సమారాధితే |
శ్రీరంగే భుజగేంద్రభోగశయనే శేతే సదా యః పుమాన్ |
ఆర్తత్రాణ పరాయణస్సభగవాన్ నారాయణో మే గతిః || ౮ ||
యో రక్షద్వసనాదిభిర్విరహితం విప్రం కుచేలాధిపం |
దాసం దీనచకోర పాలనవిధౌ శ్రీశంఖచక్రోజ్జ్వలః |
తజ్జీర్ణాంబర ముష్టిమేయపృథుకం యోదాయ భుక్త్వా క్షణాత్ |
ఆర్తత్రాణ పరాయణస్సభగవాన్ నారాయణో మే గతిః || ౯ ||
ఇతి శ్రీమద్దేశికాచార్య విరచితం ఆర్తత్రాణ పరాయణాష్టకము సంపూర్ణం ||
ārtatrāṇa parāyaṇāṣṭakam
prahlāda prabhūtāsti cēt tava harēḥ sarvatra mē darśayan |
stambhē cāiva hiraṇyakaśyapupurastatrāvirāsīddhariḥ |
vakṣastasya vidārayan nijanakhāirvātsalyamāvēdayan |
ārtatrāṇaparāyaṇassabhagavān nārāyaṇō mē gatiḥ || 1 ||
śrīrāmārta vibhīṣaṇōyamanaghō rakṣō bhayādāgataḥ |
sugrīvānayapālayāinamadhunā pāulastyamēvāgatam |
ityuktvā bhayamasyasarvaviditō yōrāghavōdattavān |
ārtatrāṇa parāyaṇassabhagavān nārāyaṇō mē gatiḥ || 2 ||
nakragrastapadaṃ samuddhr̥takaraṃ brahmādidēvāsurāḥ |
rakṣantītyanudīnavākyakaruṇaṃ dēvēṣva śaktēṣu yaḥ |
mābhāiṣīti rarakṣa nakravadanāt cakrāyudhaḥ śrīdharō |
ārtatrāṇa parāyaṇassabhagavān nārāyaṇō mē gatiḥ || 3 ||
hā kr̥ṣṇācyuta hā kr̥pājalanidʰē hā pāṇḍavānāṃ sakhē |
kvāsi kvāsi suyōdhanādapahr̥tāṃ hā rakṣa māmāturām |
ityuktō kṣayavastrarakṣitatanuḥ yō pālayat drāupadīm |
ārtatrāṇa parāyaṇassabhagavān nārāyaṇō mē gatiḥ || 4 ||
yatpādābjanakhōdakaṃ trijagatāṃ pāpāuha saṃśōṣaṇaṃ |
yannāmāmr̥tapūrakaṃ ca tapatāṃ saṃsārasantāpajam |
pāṣāṇōpi yadaṅghri padmarajasā śāpādibhirmōcita |
stvārtatrāṇa parāyaṇaḥ sabhagavān nārāyaṇō mē gatiḥ || 5 ||
yannāmasmaraṇādviṣādasahitō vipraḥ purājāmiḷaḥ |
prāgānmuktimāśōṣitāsu nicayaḥ pāpāuhadāvanālāt |
ētadbhāgavatōttamāna nr̥patī prāptāmbarīṣārjunān |
ārtatrāṇa parāyaṇassabhagavān nārāyaṇō mē gatiḥ || 6 ||
nādhītaśrutayō na satyamatayō ghōṣasthitā gōpikāḥ |
jāriṇyaḥ kulajātadharmavimukhā adhyātmabhāvaṃ yayuḥ |
bhaktyā yasya tatʰāvidʰāśca sugamāstasyā dhiyassammatā |
ārtatrāṇa parāyaṇassabhagavān nārāyaṇō mē gatiḥ || 7 ||
kāvērī hr̥dayābhirāmupulinē puṇyē jaganmaṇḍalē |
candrāmbhōjavatītaṭīparisarē dʰātrā samārādhitē |
śrīraṅgē bhujağēndrabhōgaśayanē śētē sadā yaḥ pumān |
ārtatrāṇa parāyaṇassabhagavān nārāyaṇō mē gatiḥ || 8 ||
yō rakṣadvasanādibhirvirahitaṃ vipraṃ kucēlādhipaṃ |
dāsaṃ dīnacakōra pālanavidʰāu śrīśaṅkhacakrōjjvalaḥ |
tajjīrṇāmbara muṣṭimēyapr̥thukaṃ yōdāya bhuktvā kṣaṇāt |
ārtatrāṇa parāyaṇassabhagavān nārāyaṇō mē gatiḥ || 9 ||
iti śrīmaddēśikācārya viracitaṃ ārtatrāṇa parāyaṇāṣṭakam ||