అంబా పంచరత్నం
అంబాశంబరవైరితాతభగినీ శ్రీచంద్రబింబాననా
బింబోష్ఠీ స్మితభాషిణీ శుభకరీ కాదంబవాట్యాశ్రితా ।
హ్రీంకారాక్షరమంత్రమధ్యసుభగా శ్రోణీనితంబాంకితా
మామంబాపురవాసినీ భగవతీ హేరంబమాతావతు ॥ ౧ ॥
కల్యాణీ కమనీయసుందరవపుః కాత్యాయనీ కాలికా
కాలా శ్యామలమేచకద్యుతిమతీ కాదిత్రిపంచాక్షరీ ।
కామాక్షీ కరుణానిధిః కలిమలారణ్యాతిదావానలా
మామంబాపురవాసినీ భగవతీ హేరంబమాతావతు ॥ ౨ ॥
కాంచీకంకణహారకుండలవతీ కోటీకిరీటాన్వితా
కందర్పద్యుతికోటీకోటీసదనా పీయూషకుంభస్తనా ।
కౌసుంభారుణకాంచనాంబరవృతా కైలాసవాసప్రియా
మామంబాపురవాసినీ భగవతీ హేరంబమాతావతు ॥ ౩ ॥
యా సా శుంభనిశుంభదైత్యశమనీ యా రక్తబీజాశనీ
యా శ్రీ విష్ణుసరోజనేత్రభవనా యా బ్రహ్మవిద్యాఽఽసనీ ।
యా దేవీ మధుకైటభాసురరిపుర్యా మాహిషధ్వంసినీ
మామంబాపురవాసినీ భగవతీ హేరంబమాతావతు ॥ ౪ ॥
శ్రీవిద్యా పరదేవతాఽఽదిజననీ దుర్గా జయా చండికా
బాలా శ్రీత్రిపురేశ్వరీ శివసతీ శ్రీరాజరాజేశ్వరీ ।
శ్రీరాజ్ఞీ శివదూతికా శ్రుతినుతా శృంగారచూడామణిః
మామంబాపురవాసినీ భగవతీ హేరంబమాతావతు ॥ ౫ ॥
ఫలశ్రుతి:
అంబాపంచకమద్భుతం పఠతి చేద్యో వా ప్రభాతేఽనిశం
దివ్యైశ్వర్యశతాయురుత్తమమతిం విద్యాం శ్రియం శాశ్వతమ్ ।
లబ్ధ్వా భూమితలే స్వధర్మనిరతాం శ్రీసుందరీం భామినీం
అంతే స్వర్గఫలం లభేత్స విబుధైః సంస్తూయమానో నరః ॥ ౬ ॥
ఇతి శ్రీ అంబా పంచరత్న స్తోత్రం ।
ambā pañcaratnam
ambāśambaravāiritātabhaginī śrīcandrabimbānanā
bimbōṣṭhī smitabhāṣiṇī śubhakarī kādaṃbavāṭyāśritā |
hrīṃkārākṣaramantramadhyasubhagā śrōṇīnitambāṅkitā
māmaṃbāpuravāsinī bhagavatī hērambamātāvatu || 1 ||
kalyāṇī kamanīyasundaravapuḥ kātyāyanī kālikā
kālā śyāmalamēcakadyutimatī kāditripañcākṣarī |
kāmākṣī karuṇānidhiḥ kalimalāraṇyātidāvānalā
māmaṃbāpuravāsinī bhagavatī hērambamātāvatu || 2 ||
kāñcīkaṅkaṇahārakuṇḍalavatī kōṭīkirīṭānitā
kandarpadyutikōṭikōṭisadanā pīyūṣakumbhastanā |
kāusumbhāruṇakāñcanāmbarav r̥tā kāilāsavāsapriyā
māmaṃbāpuravāsinī bhagavatī hērambamātāvatu || 3 ||
yā sā śumbhaniśumbhadait yaśamanī yā raktabījāśanī
yā śrī viṣṇusarōjanētrabhavanā yā brahmavidyā'sanī |
yā dēvī madhukaiṭabhāsuraripuryā māhiṣadhvaṃsinī
māmaṃbāpuravāsinī bhagavatī hērambamātāvatu || 4 ||
śrīvidyā paradēvatā'dijananī durgā jayā caṇḍikā
bālā śrītripurēśvarī śivasatī śrīrājarājēśvarī |
śrīrāñjī śivadūtikā śrutinutā śr̥ṅgāracūḍāmaṇiḥ
māmaṃbāpuravāsinī bhagavatī hērambamātāvatu || 5 ||
Phalaśruti:
ambāpañcakamadbhutaṃ paṭhati cēdyō vā prabhātē'niśaṃ
divyāiśvaryaśatāyuruttamamatiṃ vidyāṃ śriyaṃ śāśvatam |
labdhvā bhūmitalē svadharmaniiratāṃ śriisundarīṃ bhāminīṃ
antē svargaphalaṃ labhētsa vibudhāiḥ saṃstūyamānō naraḥ || 6 ||
iti śrī ambā pañcaratna stōtram |