Uruleni Polimera Peru Pempuleni Bratuku

Uruleni Polimera Peru Pempuleni Bratuku ఊరులేని పొలిమేర పేరు పెంపులేని బ్రతుకు

Author: Annamacharya రచయిత: Annamacharya

ఊరులేని పొలిమేర పేరు పెంపులేని బ్రతుకు

పల్లవి:
ఊరులేని పొలిమేర పేరు పెంపులేని బ్రతుకు |
గారవంబులేని ప్రియము కదియనేటికే ||

ఊరు అనేది లేనప్పుడు పొలిమేర (సరిహద్దు) ఉండి ఏం లాభం? గౌరవం లేని చోట కీర్తి ప్రతిష్టలు లేని బ్రతుకు, అనురాగం లేని ప్రేమ ఉండి ప్రయోజనం ఏముంది?

చరణం 1:
ఉండరాని విరహవేదన వుండని సురతసుఖమేల |
యెండలేని నాటి నీడ యేమిసేయనే |
దండిగలుగు తమకమనెడి దండలేని తాలిమేల |
రెండు నొకటిగాని రచన ప్రియములేటికే //ఊరులేని//

భావం: విరహవేదన లేనిచోట కలయిక సుఖం ఎలా తెలుస్తుంది? ఎండ లేనప్పుడు నీడతో పనేముంది? గాఢమైన అనురాగం లేని ఓర్పు ఎందుకు? ఇద్దరి మనసులు ఒకటి కానప్పుడు ఆ ప్రేమ సంభాషణలు దేనికి?

చరణం 2:
మెచ్చులేని చోట మంచిమేలు కలిగీనేమి సెలవు |
మచ్చికలేని చోట మంచిమాట లేటికే |
పెచ్చు పెరగలేని చోట ప్రియముగలిగి యేమి ఫలము |
ఇచ్చలేనినాటి సొబగులేమి సేయనే //ఊరులేని//

భావం: మెచ్చుకోలు లేనిచోట ఎంత మేలు చేసినా ఫలితం ఏముంటుంది? స్నేహం (మచ్చిక) లేనిచోట మంచి మాటలు ఎందుకు? ప్రేమ పెరగని చోట ఇష్టం ఉండి ఏం ఫలం? మనసులో కోరిక లేనప్పుడు అందచందాలు ఏం చేసుకుంటాం?

చరణం 3:
బొంకులేని చెలిమిగాని పొందులేల మనసులోన |
శంకలేక కదియలేని చదువులేటికే |
కొంకు గొసరులేని మంచికూటమలర నిట్లుగూడి |
వేంకటాద్రి విభుడు లేని వేడుకేటికే //ఊరులేని//

భావం: కపటం లేని స్నేహం లేనప్పుడు ఆ సాంగత్యం ఎందుకు? సందేహాలు తీర్చని చదువులెందుకు? ఎలాంటి సంకోచం లేని కలయిక కావాలి. అన్నిటికీ మించి, వేంకటాద్రి నాథుడు లేని ఏ వేడుకైనా వ్యర్థమే కదా!